67.ХТО-М?/гец/лем/
Хоц зачаты під Кычером,
Няньо, мама – лемки,
З ними быв єм вывезени,
Тылько я єст юш не лемко,
Я юш не репатрыюваны,
Бо-м в Союзи быв вроджени,
Хоц в бріху копав сья-м ногами,
Як з Восі быв єм вывезени,
Жебы з другими сья змішати,
Лем ня забыли сья жьвідати.
Певно лемків тоти гени
Затятости, гонору, доброти
Барз юш хтіли мати.
Довго гадали, мудрували,
Лем репатрыацыю не признали,
Бо дев'ят місяцыв не рахували,
Хоц на місяц ня переносили
І ищы няньо, як ня реєстрували -
Забыли и на місяц сья помилили.
То – нацыя, а то – народныст.
Народныст, нацыя, нарыд?
Певно лемки юш не нарыд.
Так юш биво, єст и буде,
Хце чи не хце – робит маве
Тото, што повідат вельке.
